الى اعز مخلوق في الدنيا ( امي .. )

أمــــــي ألـــــغالـــــــيه



يمه .يا اعز مخلوق عندي وياجوهره
النبض يقسم انتي عندي كل روحي
يمه يا اصفى من البحر ومن الهوى
البعد عنج طشرني وجفف الساني
يمه ليش الزمن ماينعاد حتى لو مره
وارجع طفل بين ايدج واخفى وتلوليلي
يمه ياكوخ وياطير يخفى بليه كوخ...
واحظنج حيل بأديه يابعد كل ناسي
يمه مليت الغرب ومليت الفراك يايمه
اتمنى اموت وارجع للقبر بس تزوريني
يمه الحنان كله لو خلص يشتري منج
اتمنى اصيرن نهر دجله بس تشربيني
يمه الشعر تتخربط ابياته من تضوجين
يا الدفتر اضم بيه كل زهرت اسراري
يمه العقل من كثر مايفكر بيج عطل
وجسمي كام يتكطع وطاحت جفوفي
يمه شوكت مامتت ما ارد ادخل كبر
ارد اندفن بكلبج تنمسح كل سيأتي
يمه يا الملاك الزين انتي ويا العفيفه
وانتي السان الاسولف بيه طول ايامي
يمه الجنه صارت كلها جوه تراب جدمج
سبحان ربي خله بيج كل هاي المعاني
يمه يا الطاهرة ويا شمعت الدار كله
الدار بعدج محد يشتري ومايساوي..
يمه اسمج كل حرف منه يسوه العمر
حتى بغداد تناديج وتكلج اندعيلي##
يمه حاير شلون اوصفج وشلون ابدي
حتى العين جفت دمع وصار ت رمادي
يمه لو تضحكين حتى الورد كله يضحك
ودعائج الي يسوى مستقبل امنياتي
يمه اشتاكيت الج ولوكفتج على التنور
ويامحلى خبزج ولكمه وحده وتشبعني
يمه حتى الباوع الج كلبه رتاح وتعجب
ويحسج انتي الام وصلي على النبي
يمه اتمنى اصيرن طير وامر عليج...
واوكف على الشباج واكلج يمه انتي
يمه لو تبردين احرك الروح واصير النار
بس ادفيج وادعي ربي يخليج الي
يمه الكمر لجلج شاعل النور والله
لولاج يعتزل ويصير انسان مثلي
يمه بديت بسمج واختم ابياتي بيج
واندعي يطول عمرج وتضلين لجلي

شكرا لمرورك الجميل عموري
نورت الكلمات
تحياتي الك