المطاردة الشعرية

تدري اشمعزهه الروح انت اعز منهه
ولو تطلب انت الروح مرخص ثمنهه

هم همي هم النوب هم الله فوگه
صاحت عليه الناس چن عندي بوكه

هل دمعي دم عليك وتعده لـحدود
لو صب على العاكول جا حمل ورود

دمك وسط هالروح ومكحل أيدي
مثل العسل والله يمشي بوريدي

يالتسوة نوحي عليك يالتسوة لعيون
عشرتنا شجرة وماي نتفاركً شلون

نصفن نريد انشوف تاليت الفراق
اتعنى ولله زحوف لومامشى الساق

قـبلــه ونصلي اعـليك يلوجـهــك آيـــه
مـن الحـــســـد والعين حطلـك حمـايه

هالمره راح نشوف أغفر وأتاني
محتاره صار سنين اني وزماني

يجرحني تالي الليل عتبك يغالي
واصعب عتاب ايكون تالي الليالي

يعلم الله الك معزة جاوزت كل الحدود
لو اريد احسب مداها ما كفاني هالوجود

دمعه على باب البيت علّكت العيون
عميه وترد تشوف لو بس تمرون

نروح ونجي وترجع بينه ليام
وكل مانذكر اسمك ينزل دمعنه للجدام

ماهمني كل صواب منه وصحت اخ
لاكنه مـن فراك ولــفي العــــقل راح

حسبه وتدكَ بالراس وكلش قويه
اهلي وحبيب الروح زعلوا عليه

هاك أخذ كلبي وياك يلماشي لهواي
كله انزرف بجفاك وبوصلك دواي

يتشضه كلي شلون دلالك ارضه
وانه الدليلي عليك يركض واكضه