ياغايب بعد لتغيب ارجوك

ياغايب بعد لتغيب ارجوك

واذا رايد تروح اخبرني هسه

حتى انطيك كلبي اخذه وياك

حتى بروحتك مافكر انسه

تدري بغيبتك شيصير بالروح

مثل معبد تفلش بيد قسه

جس النبض بيدك شوفه تعبان

اذا ماوكف بيدك بس تجسه

يل عندك حنان بـكد النجوم

خلصنه حنانك فدوه ترسه

ويـــبــو احساس الترف معقوله ماكو احساس

هذا احساسي يمك وانت حسه

جبت عمري اعله عمرك واني غركان

متنه من الغرك چا يمته ترسى

عمر خلصته لجلك بس عذابات

من وقتك دقايق النه كرسه

انه البيه جرح ميطيب للدوم

ويطيب الجرح بيدك بس تلمسه

وانه المسجون بين الرمش والعين

مايشرد سجينك لاتحرسه

واذا جاني العفو عود اطلع افراج

هي بهاي انه انتكس نكسه

جدي العلّماني الشوك مابيع

چا جدي بعد وانه اعله رسه

يوصيني العشـك من اول عيون

واذا ضيعته ماتلـكاه نفسه

اوفي وي الحبيب لـكطع الأنفاس

والف اسم الله يايمه اعله نفسه



ها شلونهة القصيدة
لاتنسوني بردودكم
سهر عيني