بكاء .. وجوع .. و حرمان .. !! هذا كل ما تبقى من وطني

زائر

بكاء وجوع وحرمان هذا كل ماتبقى من وطني

ما غفينا’’
ونومنا مزاعل جفنا
وانتوسل بالطريج
ومالكَينه ادروب بس تاخذ مشينا
وبس تودينا الضياع
وناسي مامرت عليهم نسمه حلوه
والثكاله بونها صارت تعزف الصرخات غنوه
والصدى يعاتب أذاني
بالله كون انته بمكاني
((وشبع اطفالي الجياع))
وطن متمزق اشلاء وقلم بيده
وحارن اوياه الحروف اشلون يبديها القصيده ,
وياقصيده التحجي عن قصة وطن
بكل حظاراته العظيمه ابليل وبظلمه اندفن
والناس أمتيهه العرفها ومتعرف شنهو التريده
ناس تستمع على اوتار المصايب حتى تكتبها بجريده
مثل حال الي بسفينه
وتفرح بكسر الشراع
مثل حالة احديثه عثرت
تنتظر وهواي صبرت
بكل ابطوله
وللأسف
شوف الرجوله
فزعت اعليها الضباع
والسباع النامت ابحظن الاراذل
شتنتظر من السباع
وكلشي ضاع
كلشي ضاع وصار جرحي اونيس ليلي
وانهدم فد نوب حيلي
وانا ثورة بجسد باقي
لطخت اسم العراقي
معلنه اعضائه الصراع
وففزيت الورد غافي
ابجي بس ابدمع دافي
يوم ينزل من عيوني
يعلن براسي الصداع

//

\\

,,
بقلم

رآفت الحديثي

يسلموووووووووووووو وعاشت ايدج
وشكرا لن ذكرتي اسم الشاعر
تحياتي الج
وتقابلي مروري المتواضع

موضوع: رد الأحد أكتوبر 12, 2008 3:05 pm

الله شنو هاي الكلمات الروعة جدا الحلوة
ويا رب الاحسن والافضل
تحياتي
سنفور العراق

زائر

شكرا لكي على هذه الكلمات
تحياتي يا وردة

زائر

سلمت يداك اختي الغالية على هذة الكلمات الرائعة

دوام الابداع والتألق

تقبلي مروري المتواضع

تحيتي ومودتي

زائر

شكرا لك يا ضوء المنتدى و قمره ..... نورت صفحتي بكلماتك الرقيقة ....
تحياتي لك ...
ان شاء الله ما تحرمني من طلتك الرائعه بمواضيعي