سهر عيني نائبه مدير الشبكه
عدد الرسائل : 389 العمر : 32 تاريخ التسجيل : 20/08/2008
| موضوع: خفت احبك... الإثنين سبتمبر 29, 2008 5:03 am | |
| خفت احبك**تذكر من مرة انت سألت.احبك لو لا ؟ آنة ما رديت وهواية سكتت وهم انت رديت السؤال وهم آنة بالرد طولّت گتلي جاوب لا تطول هلگد بكلمة اصفنت؟ گتلك وك خايف اگلك آنة من عشگگ ذبت وآنة ضايع في غيابك واكثر بحبك ضعت وآنة كلي الك لهفة عني لو ساعة ابعدت وآنة شوگي يهد بيـّة.لبعيد لوّن عنك حاولت وآنة وياي اريدك وأيدي بيدك لآخر الدنيا لو رحت گتلي هم ما گلت احبك وكلشي منك مفهمت وهذا صمتك بيه معاني ومعنى منه معرفت گولها لو تحس بيها. هي كلمة منها اكثر ما ردت تذكر شگتلك عليها ؟لو نسيت ومذكرت هي كلمة يجوز عندك لانگصت لا زيدت بس هي عندي بحر. من شوگي الك بيه اغرگت وهي عندي يوم شفتك ماحلى بعيني النظر.وعلى رسمك غمضت وهي عندي كل همس الليالي الاحلى منها ما شفت هم بعد تسألني حبيبي ليش احبك ما گلت؟ومن كلمة حبيبي شگد خفت خلي اگلك ليش من كلمة خفت وك اي خفت.وهم اذَكرَك آنة گتلك اي خفت گتلك خفت لاكون احلم تالي اصحى من الحلم ولحظة ابد ما طولت وخفت تكون بية تلعب. وخفت لتكون وي غيري العبت وخفت لو گتلك احبك.بس رقم بالقائمة عندك.تالي الگاني صرت ومن أسمعت انت الكلام اضحكت وهواية اضحكت بس ما شفتك ابد من هذا كلامي تأثرت ومن سألتك ألي حق بخوفي هذا؟انوب انت أسكتت وزاد خوفي بكثر لعبك من كثر ما آنة سألت وانت ابد ما جاوبت هسة عرفت يا صاحبي ليش آنة سكتت ؟ الحلم الـچنت احلم بيه من عنده أكعدت وأحلامنا العشناها سوة.هسة أعرفت بس آنة الي بيها احلمت مو حقي من گتلك خفت ؟وأنت أضحكت ما جاوبت | |
|
زائر زائر
| موضوع: رد: خفت احبك... الإثنين سبتمبر 29, 2008 10:42 pm | |
| تسلم ايدك على هذا الكلام الرائع ... ان شاء الله دائما تنورين المنتدى بمواضيعك الجميله .... تحياتي لكي و راح اشتقاقلك والله تيماء |
|
Admin مدير شبكه ألفنأن تأمرحسني
عدد الرسائل : 902 العمر : 36 Location : عأزف على أوتأر ألغربه تاريخ التسجيل : 16/08/2008
| موضوع: رد: خفت احبك... الثلاثاء سبتمبر 30, 2008 12:26 am | |
| يسلمووووووووووووووووووووووووو وعاشت ايدج على هاي الكلمات الشفافه ويارب ماعرف شكول ترجعين بالسلامه تحياتي الج وتقبلي مروري المتواضع | |
|
سهر عيني نائبه مدير الشبكه
عدد الرسائل : 389 العمر : 32 تاريخ التسجيل : 20/08/2008
| موضوع: رد: خفت احبك... الثلاثاء سبتمبر 30, 2008 2:34 am | |
| والله اني هم مااعرف شكول بس تدرون اني فرحت لان هسة عرفت انتو بالمنتدى تحبوني والحمد لله واني هم احبكم كلكم بس احبكم اكثر اذا شديتو حيلكم بالمنتدى اكثر ههههههه تحياتي الكم كلكم سهر عيني | |
|
شاعر الليل وعازف الكيتار مشرف المنتديات الادبيه
عدد الرسائل : 382 العمر : 33 تاريخ التسجيل : 18/09/2008
| |