حبيتك بروحي وماحجيت وياك

حبيتك بروحي وما حجيت وياك

لان خفت امنكلك تبتعد عني

وضميتك بكلبي وما كلت للناس

ورضيت ابقى بعذابي ولوعتي ووني

بس لشوكت اصبر .., والصبر محدود

وانت بنظرتك يوميه تكتلني

معروفه اليحب بس الكلب ينطيه

بس انت شلع من عندي ماخذني

على جروح الكلب تتمشه من تفوت

ومن دمعات عيني جفوفك تحني

بعيونك سوالف بيها الف تفسير

وحرت يا نضره منهن بيها تقصدني

اريد تحس عذابي ومثلي كون تعيش

ليش انه الوحيد الشوك ياكلني

وليش انه انهضم واتحمل اللوعات

وانت بكل وكت مرتاح وتغني

لازم تستمعلي وتفتهم مني

اشوفك جوه اشايل من هموم

واشوفك نار كلبي البيك تحركني

وراها بكيفك انت تقرر وتختار

لو تبنيني بيدك لو تفلشني

زائر

مشكورره سهر عيني ع الشعر الرائع

دمتي مبدعه

الله على هاي الكلمات الرووعه نتظر منج كلشي جديد ومفيد تحياتي الج ورده
تقبلي موري المتواضع

تسلمون كلكم على مروركم الحلو
تقبلو تحياتي وعيد سعيد
سهر عيني