تعاتبني أعله ضيمي وأنت تعرف زين
منّك ضيك كَلبي وبسّك أعتابـــــــــه
مثل حال الضحك بس هو مغتــــاض
حسباله بضحكته يخمّد أعصابـــــــه
ومثل لازم سره أباب الزمن ناطــــور
فلّش باب صبره ومالكَه أحسابـــــه
ومثل ضيج الخلكـَ من يوصلك مـــرات
تجزع منه بس ماتعرف أسبابــــــــــه
صحيح الجرح يصعب من الاحبـــــاب
وصعب كلش صعب من تعرف احبابه
***
عشت عمري أفكر هم ألي تصير
لو حته الألي هم مو أليــــــــــــه
يسويهه الزمن ويخون باللحظات
نذل كلش نذل مدسوس أذيـــــه
يراويك العسل ويعلمّك الضحكات
ومن أيدك يكَودك للمنـــــــــــــــيه
ضدي اليوم كلشي والحلم ممنوع
وممنوع انه أضنك هم عليـــــــــــه
فضل سوه الزمن وأهداك ألي بيوم
وطلع غلطان رجعهه الهديــــــــــــه
***
خلّص كل الكلام الرايد أحجيــــه
أجاك الدور خل نسمع كلامـــــك
أدريك الزمن هم لاعبك مـــــرات
وأنمنعت أعيونك من منامـــــــك
بس رايد اكَلك ماكَدرت أنســـــاك
أشتظن سهله عليه انسه غرامك
ياأجمل حلم بي معجزه التحقيـق
وأكبر معجزه من صرت بأحلامـك
بيك أمعلكَه روحي تضل للــدوم
وأضل انزف ألم من أحس بألامك
الخميس أغسطس 04, 2011 3:38 am من طرف زائر
اليومية
