عليج شما اسولف أحجي بالزين
وبيج شما أوصف أبقة محتار
وصفتج بالكمر ماضني كفيت
وصفتج بالشمس وجيت بالنار
يالمعدل جمالج ماكو بالكون
كل ذرة بخيالج كومة أسرار
اوكف من اشوفج واحرك الروح
واريد وياج اكضي عمري مشوار
شعرج كالحرير بمنعم الريش
شلال اعلة طولج يجري بنهار
وياعيني العيون وجنها ياقوت
تسحر بالنظر الكاعد والمار
شسولف عن جمالج وانتي حواء
مو تفاحة أكل آكل أشجار
خل ذنوب أشيل بحبج آثام
وخل يذوب كلبي وخلي ينهار
مايوصل جمالج حتى الورود
وياوردة التشوفج منج تغار
اذا حتى العسل بشفافج يذوب
ومن تمشين حتى يذوب الحجار
بعد شوصف غزل عنج بكلمات
قليلة وياج صدكي حتى الاشعار
اذا حتى القدم من يمشي بالكاع
تفرح لو بقت من عدها آثار
وراح اسكت وسولف عنج بشوك
انتي ملكة جمال من دون اعذار