مووكته هسه الحچي ..

مووكته هسه الحچي ..
خليه ابگلبك جمر ..
من يصفه مره الوكت گول اللي ماگلته
بساعتها اعذرك تره ..
وماگلك انت السبب لو شوگي ودعته

خليني بيك التهي ..
وأبدي بحياتي الصدگ ..
چذبه آنه عمري المضه ومجبور خلصته

وياك اريد الحلم بعيوني صبح ومسه ..
مو حلم نوم الضحى الماينفع بجيته
وخليك بيه جرح ..
أشما زاد بيه الالم اتذكرك انته

وياك صح قصرت ،
وخليتك انت بوضع من گبل ماعشته
أوياك اني اعترف..
منك اخذت الگلب وهموم حملته

مو قصدي اعذبك تره ،
ومو قاسي گلبي ابد ..
اسنين يمك بقى معقوله معرفته!!

ردتك تلم وحشتي ..
وتاخذني دمعة طفل والعبره خانگته
تانيتك اني عمر ..
عطشان واتنطرك ترويني بس انته

يامن اجيت ابوكت ..
محتاجك اني چنت ..
والگلب قطعة خشب والنار ماكلته

چذب عليه الزمن .. من گال اريد اسعدك ..
وآنه بفهاوة گلب مسكين صدگته
مات وتركني الفرح ..
وبدمع ينگط جمر من رحت شيعته

وشتريد اگلك بعد ,,
جيتك اريد الدوه ,,
وشوفتك اني الجرح.. لتگلي ماشفته

خلصني من محنتي .. أمروتك كتلني القهر ..
وأشلون اخفي الدمع وعيوني فاضحته

ابفنجان عمري انكتب كلشي.. وقروه اشكثر..
أوصفوك الي بالضبط ..
وضميت سري ..
وگمت اتنهد بسكته
وگالولي انتَ الي .. وتانيتك اني عمر ..
بس ماطلعلت انتَ

ضوء القمر

كلمات حزينه تسقي بدموعها بساتين الهموم

شكرا لكلماتك الجميلة

تقبل مروي المتواضع

مودتي

تسلم ايدك على هذا الشعر الرائع
كلماتك حزينه ولكنها جميلة

تقبل تحياتي

شكرا اختي الغالية الحلوة

على هذا المرور الرائع
لقد تزينت الكلمات بتواجدك فيها
فلردودك المميزة حافزقلمي المتواضع

تحيتي ومودتي

زائر

كلمات تـحتوي على الـجمال الـبارز من كل الـزوايا
ما كلُ هذه الـحروف الـساطعات
أجدت تراتيل الـحب و العذاب وهذيانه
----------
سلمت اناملك على هذا الابداع والكلمات الرائعه التي كلها مشاعر واحاسيس رقيقة و محزنه مؤلمة
ننتضر ابداعك القادمه
تحياتي لك

شكررررررررررا اختي العزيزة سندريلا الحب على تواجدك وردك المميز
تحيتي ومودتي
شكرررررررا لكي اختي الغالية والرقية دائما تيماء على كلماتك الرئعة وردك المميز

انار تواجدك كلماتي

تحيتي ومودتي

عاشت ايدك كلمات مؤئلمه تحياتي الك غرور شاعر مغترب

اخي الغالي والمميز غرور
شكرا لروعة حضورك لايسعني الا ان اقف تبجيلا لحرفك الراقي والمبدع

ضوء القمر