أخاف منك ..!

أخاف منك ..!
اخاف منك ..
أخاف تتغير عليَّ .. وبلحظه اخسرك ..؟
وأخاف تنغر ابجمالك ..؟
وأخاف يتحول رماد وياي جمرك ..؟
وأخاف يوم يمر عليًّ ..
واتشوفني .. ويزداد قهرك ..؟
واخاف نزوة وكت ..
واتعوف المحبة .. اشلون بعد اگدر أذًكرك ..
وانت حالف ماگلت كلمة حبيبي ..
يمكن اتخاف اني اعيرك ..؟
غرگتني ..
ابثگل شوگك ..
وابحر مجنون ، واتريد اني اعَبرك ..؟
والله گلبي ايخاف منك ..
يا صعب وشلون اگدرك ..؟
انت چلماتك طلاسم ..
منين اجيب الحيل حتى اگعد وافسرك ..
أخاااااااااااااف اخسرك ..
أخاف افرحك ..
واخاف من بعد الفرح ..
تتركلي مُرك ..!!
واخاف احزنك ..
واخاف من كثر الحزن ..
انطيك عذرك ..؟
تعوفني وعذرك اقبله ..
وخايف اشلون اگدر اتحمل واهجرك ..؟
أخاااااااااااااف اخسرك ..
واخاف گلبك مايحبني ..
واخاف انت اتورطت ..
وانطيت سرك ...
واخاف اني اتجاوزت ..
من گلت احبك ..
وانت مابينت امرك ..؟
واخاف كلشي ايصير ..
بس اني اعتقد ماطلع مني اللي يضرك ..
اني يمعود ظنوني ..
وياي تلعب ..
من كثر ماأجيب ذكرك ..
اني احبك ..
والله شتريد اعتبرني ..
طفل ، مجنون ، انتهازي ..
اشلون متحب اني اخيرك ..
المهم تنطيني كلمة ..
وماتخليني افكر .. يوم اخسرك ....
بس... أخاف أخسرك



ضوء القمر

اختي الغالية تيماء

ازدادت صفحتي نور
بطلتك الحلوة والراقية
يارب لاتخلينى ولاتحرمنا جمال وصالكـ
دمتي لنا بكل ود
تحياتي للقلم الرقيق والمميز

شكرا الك اخي الغالي والمميز دائما غرور
على تواجدك الرائع والدائم بن كلماتي
دمت لنا بكل وووووود
تحيتي ومودتي

ضوء القمر