لا تمر لا تنشافشنهي القضيه
والمحب والكراه شمتــــه بيه
بطلت ماامر بيج معروفــــه الاسباب
بارخص ثمن ياحيف بعتوني ياحباب
لا تعتقد بعنــاك والغالي انته
والنظر والدلال لجلك رخصته
خلي النظر للشوف والكلب للود
لكن كفاك النوب لامــر ولا انشد
يلي رضعت وياك لتشح عليه
تدري الاخو ينراد لاختـه تجيه
يلي رضعت وياج من درة امي
بعتابج تزيدين عليــــــه همي
الروح حنــــــت الك والعين مشتاقه
وتدري اليحبه الكلب مو هين فراقه
بالعتبه شفت دموع مـن طول جفاك
ثاريهه حتى الباب يبجي عله فركاك
اقبل يمـــن بجفاك ما عندي كل راي
وبروحي جاي اشريك تقبلني شراي