طالب يريد يحجي وية طالبة وشوفو شصار بي خطية

طالب يريد يحجي وية طالبة وشوفو شصار بي خطية .....
الطالب يحجي قصته

يكول.....................................



طالب وعايف دروسي واقره اشعار وجرايد

وعاشق ابنيه بقسمنه والقلب بس الهه رايد

هي حلوه اهوايه حلوه واني عمي اشلون واحد

بالفرن ناسيني اهلي وحتى لون عيوني جارد

حاولت الفت نظرهه بكل وسيله وماكو فايد

غيرت لبسي ومشيتي وفكري بالمودات شارد

وجللت شعري وصبغته ولبست حتى كلايد

كعدتني على الحديده لا بعت حتى الحدايد

لا تكلي ولا اكلك بهذلتني الله شاهد

وهي تدري بس خبيثه مثوله والدلال بارد

واني نار بنص دليلي خاف اصرحهه وتعاند

مره اكول احجي معاهه مره اكول خلني راجد

وين جانتلي ياربي جنت متونس وكاعد

وقررت لازم ابوح بحبي الهه وما احايد

بوري ما بوري اسولف قابل مصارحلي قائد

جيت وتقربت يمهه فكري يرجف حيلي بايد

والضغط يمي تخربط مره نازل مره صاعد

كمت اتمتم كمت اعتعت كمت احس بلساني جامد

جني سياره عتيكه وانكسر من عدهه كايد

ردت افلت ما عاد يرهم كالت اتفضل شرايد

كلت عفوا من رخصتج بلكي عندج قلم زايد

(منقووول )

ان شاء الله عجبتكم بس مو تصيرون مثلة ... ههههههههه
تحياتي لكم جميعا

هههههههههههههههههه
شكرا لمرورك الحلو
تحياتي

يمعود شاعرنة الحلو دير بالك على نفسك
ليش هالكلام
اصلا انت تستاهل كل الحب والاحترام
بس بعدك صغنون على هالاذية
بعد العمر كدامك طويل خيووو
تحياتي الك

شكرا لمرورك ريان
وشكرا الج ريمي
تحياتي الكم
اسعدتوني بتواجدكم بصفحتي
تحياتي