الطيور التي تهاجر لاتستحق الاجنحه

عودني على طيفك حتى انــــام اليـــــل
وما اسهر بعد والسهر ينســـــــــــاني
شاعر نعم لكن لـــو حچيت ويــــــــــاك
احير اشلون أحلن عكَدت ألســـانـــــي
أضل ارجف شعر لو شفت وجهك يـوم
وتذبحني بخــــزرتك وانسة عنـــواني
تكتلني الضنون ارفس رفس مذبـــوح
أذا كالولي عنك تحچي وي ثـــــــــاني
وياخذني الزعل وامسح صور ذكراك
وما تقبل علية وتبچي حيطـــــــــــاني
ويملكني الغضب بركـــــاني يلهب نار
بس ادنـــــة يمك تطفــه بركـــــــــــاني
موبيدي احبــــــــــك مره ردت أنساك
عاتبني بحزن مـــــــا يرضه نسيـــاني
احبك مره كتلي الليــــــــل صار انهار
وأحس الناس صارت كلهه صحبـــاني
يمعود دخيلك طال بينـــــــــــه الشوکً
تعال اغفه اعله صدري ونام بأحضـاني
تعال العيد جيتك وانه عين أيتــــــــــام
مر بيـــــه بفرح مرجوحــــــــة احزاني
انه وي الحزن عشرة عمر واحبــــاب
لا اكَدر املــــــــه ولا هـــــــــــو ملاني
وامس من شاف طولك ايد بيد ويــاي
زعـــــل مني الحزن وارتــــــاح خلاني
هسه الحزن راح الفرح بيدك مـــــاي
جيتك محتـــــرك كــــــَوم اتلكـــــــــَاني
ركض دمعاتي تنزل لون مرك ضيم
والله اتكَـــــــــــــــول جن ميت الرباني