طفت كل الشموع

هو:انا وروحي..
وعذابي..وحيرتي متانين..
مابين الامل.. واليأس.. والفركة
لا مريتي بيه..ولااجيتي بطيف..
بس الذكريات..
ولهفة الملكة..
مرات احترك..
حد ما اذوب..انهار..
وانتي بنص الثلج..
ما مرتج حركة..
هي:لا حبيبي..
وتدري انة اهواك..
ذوبني القهر..
والروح محتركة..
من يمرني اسمك..
اشتعل بركان..
ترة وداعت عيونك..
مثلي ما تلكة..
هو:وانا..ابعد المسافة..
وساعة من اشتاك..
اوصي الهوى لبابج..
من يجي يدكة..
اعتب.. وانقهر..واحجي بصلافة وياج..
بس معذور كلبي..يطالب ابحكة..
اريدج ذيج انتي..وما تهزج ريح..
واريدن صبرج ايطول بعد خلكة..
هى:انة اصبر لحبك..
مثل صبر النوك..
ولو كل العمر..
بالصبر خلصتة..
لان اني احبك..
تدري حد الموت..
وغيرك ..
لا تظن الروح عاشكتة..
صديقاتي حسدني..
وخوفي اني عليك..
شافن حبي الك..
بالروح شايلتة..
وحجيتلهن عليك..
اتباهى بيك هواي..
كلتلهن حبيبي..
من الله طالبتة..
وبجيت وفاجئتهن..
وانكلبت ادموع..
وسالني وكلت..يومين ما شايفتة..
هو:وانة البارحة باخر نفس بالليل..
سهران وية همي..
وما نمت ليلي..
اجيتي اكبال عيني..
وكمت افكر بيج..
واحس هموم شوكج ..
هدمن حيلي..
ها..نامت..بعدها..
اشلون تكضي الليل..
هي اهواي من الليل تشكيلي..
هي:احجيلي حبيبي..
وكول لي اشما صار..
لتضم شي علية..
ابداعتي احجيلي..
هو:شحجيلج..؟
انة وية الليل صرنة اصحاب..
اغنيلة بهمومي ابسلطنة عشاك..
وبطور السهر يكعد يغنيلي..
وشحجيلج..
طفت كل الشموع..
وذابت وية الليل..
بس شمعة خيالج..بقت تضويلي..
هي:بس متحبني اكثر مني..
انة اهواك..
ورسمك..
ما ايروح بلحظة عن عيني..
شاغلني ابمنامي..
ابصحوتي..
ابممشاي..
كل عمري صرت..
وايامي واسنيني..
حلمانة بخيالك..
واحجي سكتة وياك..
خليني باحلامي وياك خليني..

شكرا الكم على مروركم الرائع..شكرا الك عموري على كلماتك الروعة
وشكرا الج حبي سهر على هالكلمات الحلوة..
تحياتي الكم,,,

مشكورة عيوني الحلوة على هل كلمات الحلوة مثلج وان شاء الله تنزلي الافضل
تحياتي الج
وتقبلي مروري

عاشت ايدج على هل كلاام الجميل واكد الكلاام الحلو يطلع من حلوه مثلج ونشاء الله نشو

الله كلام اكثرررررررررررررر من بدااااااااااااااااااعه

يسلمووووووووووووو ياا ورده