تُِِّْآمًـِِّـِِّرٌٍ حٍّسٌِِّـِِّـِِّنْيَ

تامر حسني صور تامر حسني اغاني تامر حسني اخبار تامر حسني منتدى تامر حسني
 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أفضل 10 أعضاء في هذا المنتدى
الحلوة - 1285
 
غرور شاعر مغترب - 1204
 
Admin - 902
 
قمرالمنصور - 801
 
سيد الامنيات - 503
 
snfoor_iraq_2008 - 468
 
ريان العراقي - 441
 
ضوء القمر - 419
 
ريما - 415
 
سهر عيني - 389
 
TAMER HOSNY

شبكه الفنان تامر حسني

   
المواضيع الأخيرة
» Medication For Swollen Knuckle Purple
الخميس أغسطس 04, 2011 3:38 am من طرف زائر

» Metformin, such beginning plant-derived
الثلاثاء أغسطس 02, 2011 4:50 am من طرف زائر

» Pet Medicine Suppliers
الأحد يوليو 31, 2011 11:26 pm من طرف زائر

» When the first Whirlpool Duet album was released in December 2001 came as a surprise to the public
الأحد يوليو 31, 2011 1:44 am من طرف زائر

» Pharmaceutical Drugs Minpress
الخميس يوليو 28, 2011 6:40 pm من طرف زائر

» لْمنٺـَدآڪٌـم [جيـَٺ ] ۈلْٺـرכـيـبڪٌم [ بغيـَٺ
الخميس يوليو 22, 2010 3:47 pm من طرف سكــوتــي ع ــقابكــ

» مسابقة الكل يشارك
الإثنين مارس 08, 2010 9:51 pm من طرف hasna

» هااااااااااااااااااام هذه الحقائق سوف تصدمك
الخميس نوفمبر 19, 2009 3:58 pm من طرف قمرالمنصور

» اهلا وسهلا منورين احلى شباب باحلى منتدى
الجمعة نوفمبر 13, 2009 5:02 pm من طرف princess1

راديوو تامر حسني

http://radio.tamerlovers.com/

بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
ديسمبر 2016
الأحدالإثنينالثلاثاءالأربعاءالخميسالجمعةالسبت
    123
45678910
11121314151617
18192021222324
25262728293031
اليوميةاليومية
راديوو تامر حسني

http://radio.tamerlovers.com/


شاطر | 
 

 دارمياااااااات اكثر من 100 دارمي رهيييييبة ادخل وشوف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سهر عيني
نائبه مدير الشبكه
نائبه مدير الشبكه


عدد الرسائل : 389
العمر : 24
تاريخ التسجيل : 20/08/2008

مُساهمةموضوع: دارمياااااااات اكثر من 100 دارمي رهيييييبة ادخل وشوف   الأربعاء أكتوبر 01, 2008 3:07 am

لاتهتم على الراح وي همك الراح
والعالي مو بالطول بالصبر ينلاح


اشمالك يبعد الروح لونك تغــير
عندي خوات أهواي طب أوتخير


يسألني البطران حالك إشلونــه
الغاضب الله إعليه هم ينشدوونـه


جاشلي بالخوان والماينفعـــــون
عود أمن اموت أيجون ويا اليشيعون


عبالي طيب زاد واعطيتك اعيون
تالي توج النار ويا اليكرهـــون


هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك



هـاك أبرتك. .و الخيـط خويــه إمش عنــي
لو بـيـــه أشل إجروح .. جان أشل ذنــي



علمني عالنسيان ارد انسى ضيمـــــك
وي غيري قمره اتصير بس حصتي ضيمك


سبحان امن خلاك تقسي ابغرامك
جانك اتداوي اجروح رقت كلامك


اوقف يبعد الروح اوياك الحســـاب
سَافر أو جرحي اينوح ليهسى ماطاب


هامسى أوها مصباح باجر يشيلـون
اورجليا شالت طيب من دمع العيون


الدنيا بس وياي شـدت عـــداوه
ولا واحد إمن الناس لجروحي داوه


ارد انشد الصباغ هم يصبغ اقــلوب
اصبغ دليلي اعليك واحزن فرد نوب


حـط باللبن تيــزاب مجبـور أشربـه
بس لا أشوفك يوم تمشي وي غربـــه



سباحه لك بالروح خضرى أوطريه
تسقيها من تشتاق وتمر علــــيه


ياماخذين الولف اوليفي وريد أويـاه
مانام لليل الشتى أومقدر على فرقاه


الدنيا ماتسواش لاتصفن إلهـا
عالطيب والمزيون يكثر حملها


يسألني البطران ليش وجهك اصفر
مايدري على المحبوب قلبي تفطر


يسألني البطران ليش راسك اقرع
مايدري على الحلوين شعري تشلع


يسألني البطران تشرب عرق ليش
هم سقم هم فراق هم لوعة الجيش


يسألني البطران اعربلي كان
حسباله مثل العام عقلي بمكانة


هاك استكانة جاي أشرب عوافــي
أو دزيته لك مخصوص يامايه صافي



رش الدرب تيــزاب حافي أعتـني لـك
جا شـلي بالرجليـن الما تجي لــــك



لو ترش مو تيــزاب لو تزرع ألغــام
اللحم خلـه إيروح أوصلـــك إعظـام



كل ما يجي الليل أذكر وفــــاكم
واذكر محاشي الطيب وابجي أبرهاكم



ويا النجم سهران وايدي أعلى خــدي
الليل أوظلام الليل شو كلها ضـــدي




وحدي ابنص الليل بس حيرتي أوياي
أبجي أعلى وقت الراح واتنطر الجاي




إشما تقول الناس عندي أنته لول
سو كلشي بالدلال يالحلو مخـول




يالتون تالي الليل سمعني حسك
لولا القلت والقال لعبر وونسك



شحجي وتريد الناس من عندي أحجـي
دمعتي إبطرف العين بس أحجي أبجـي



للخوه ماقضيت شي ماقضيته
حتى الصخر ياناس وتوسديته



انت العطش والماي وانت المشوفـه
ورسمش وحق عيناش بالكاس اشوفه


أرد انشدك وارجوك صارحني ياهواي
تذكرني لوغصيت من تشرب المــاي


نارك يخايب ماي مومثل نـــاري
اومن يطري بيا الشوق يحترق جاري


هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون



بالك تقول الاه ياخويا بـــالك
كل التقوله ايصير روحي ابدالك


مبخوت أضل للشيب يافلان أذكـرك
أوينكرني نور العين من كون أنكرك


سبحانه من سـواك نص وجهك إعيــون
إزغيــر سبيــت الناس من تكبر شلون



بيدي أوقرضها الفار فجت عباتي
كل هذا ماطخيت وامشي ابرهاتي


أتمنى كون أيصير لحدي أويا لحدك
أو من يطلع الدفان أقعد وقعـــدك


بيدك ضيعت ديك الليـــالي
وبلحظه ما أجى أبعينك دلالي


شقيت ثوبي أعليك وصلته للنــص
جاوين قلبك أوياي صاير مثل جص


الدنيا بس أوياي صارت حريصـه
أو من سلة المكتوم تطلع لي شيصه


همي الليالي اتعود واتعاتب أوياك
احجايه للشمات خلاني فرقــاك


سـلـم ولَو بالعين تكفي الإشــــاره
روحي إبتلت بهواك .. سـويلي جـاره



أرد اسأل العراف واهل القوافـي
ليش الحجاب إيلوق للوجه صافي



شفت الضوه إمن إبعـيد كًًلت إحتركًًنه
لمـن وصلت البيت لن ولفي عدنــه



شمـاتي مو شـمات شمـاتي شمات
بالكًًبر ويسألـون حي بعده لو مـات



شمـاتي مو شمـات شمــاتي إخـوتي
حتى أمي يا هالناس تدعي إعله موتـي



شماتي موشمات شماتي خوتـي
حته امي ياهل ناس تتمنه موتي


شماتي موشمات شماتي اشرار
بالكبر ويقولون ياربي بالنـار


شماتي موشمات شماتي ورطــه
نصهم امن واجرام والباقي شرطه


شمـاتي مو شمـات شماتي تسعه
والعاشر إزغيرون يأشر باصبعـه



حطيتك بسرداب وفوقه متر صـب
اصبح الواشي وياك من ياكتر طب


وينه اليخَيـطْ العين ويفكني منهـــا
كل ما تصد للدار يكثر حزنــــها



لو غبت عني الروح احسبها شده
واحرق ابدمع العين حتى المخده


بالك تمر بالدار عنها أشمر ابعــيد
دار العزيز اهواي نوح أوبجي اتريد


عمده ارد امر بالدار والنوح ازيده
واسمع صداها يقول راح التريده


عمده ارد امر بالدار واشبع مغمه
والمعتني الطيبات لوطاح شيهمه


غصبن عليها الروح جابتني اشوفك
كفر عليها للوم بلجن تعوفــــك


ظلمى اوذرب عاثور لليلة شتى أوعت
روحي اشتهت ملقاه عتتني لك عــت


أهلا وسهلا بيــك وكثــر بالوياك
الكَلب قبل العين فز وتلـكَـــــاك


اقدر اسكت الناس وامك واخوتك
قلي شيسكت اهواك لودره ابموتك


ياعازة الخوان عازتها عــازه
والماوراها صياح وحشه الجنازه


انشدني عالحال حالي أعلى حـــــاله
سمجه أوشحيح الماي وبظهري فاله


حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت



اتعمن والعباس بسجن يالعيون
ابجن وهما هناه لوشالو اشلون


ياربي سترك رفت العين
واحبابي مو يمي بعيدين


كـلبي أرد أكـصه إبموس وأكوي إبمكانه

علمني إعله درووب كلهن مهـــــــــــانه



كلبي أرد أكـصه إبموس وبفاس أكطعه
خلصها بالسختــات مالحك ربعــــــــــه



القلب قال أحاه ! قتله وجعــــــــــتين
منهو الاجى أوعزاك من طقك البين


يالردت عني اتروح خليلي صبرين
واحد يصبر الروح والثاني للعـــين


شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله



إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع



اقعد ابتالي الليل وادعي ابصلاتي
ياربي بعد افلان شلي ابحيــــــاتي


ارد انصحك يافلان هذي النصيحه
عوف اتلف وادور حب الصريحه


احمل وفى والطيب والرقه كلــــــها
أوكل مشكله ابهالكون بس يمه حلها


ريته اليطيح ابضيج كون اخوه وياه
اوكل مايقول احاه كلها اتلــــــــــقاه


إلي تطلبه ايصير بس أمر انــته
أو لاتعب الجلمات أشرلي سكته

الرد
أطلب وقلك صار تامرني أنــــته
عمري من أول يوم بسمك رهنته


ميت والمعزيات يبجن عيـــــاره
طفن على التابوت راس الجكاره


الدهر شل يمناي شل يسرتي الــــــبين
جابيش اصبر الروح بيش امسح العين


متعجب المهموم يشرب جكاره
قلبي ابكثر مانوح تجويني ناره


من كثر حر الضلع أحترقن هدومي
وتسعين ناقة وجمل ماشالن همومي


هاك ابره هاك الخيط خويه ارد اكلفك
امقطع الدلال شله على عرفـــــــــــك


هاك ابره هاك الخيط كوم امشي عني
لو بيه اشل جروح جاشل هـــــــــذني


حسره الك بالدلال ظلت لما امـــوت
مادرت حقها الناس صوابي بسكوت


حسره وحدرها احاه وبقلبي لــوعه
كلما اضوق الزاد اركض وازوعه



جاوبني تدري الوقت بوقاته سكتــاوي
موش أنته نبعة عشق بالحسن متغـاوي


مدري شجاني الليله حنـيت
واتقلب أعلى النار فريــت


خـل روحـــك إبعِـز دوم بالك تذلها
ولا تطلب الحاجــات إلاٌ من أهلهــا


غصبن عليـه الروح آنـه الأذلهـا
محتاج والحاجات ماهـمـه أهلهـا


أنوح أولاهلي يدرون بيه
تموت الروح والعله خفيه


بسك ولك يالبين دقاتك أويـــاي
أدقني وسط الضيق وتشمت اعداي


الاخو وقت الضيج ماينكر أخـته
أوحان الوقت هاليوم ياخويا وقته


لاتسأل إعله الحال خلـيها سكته
تسأل على المكتول والكاتل إنته



شحجي وتريد الناس من عندي أحجي
دمعتي إبطرف العين بس أحجي أبجي



أقبل صباح اليوم ابدنيتي هـــاي
شلت الردا أوفزيت لن عيني بهواي


لانفع نصحي أوياك لانفع لــــومي
أنا ادري مامحضوض راح ابقى دومي


حقي من أحامي إعليـــج ياشجرة التيـن
ماي الربيـــتي إعليه من دمعة العيــن



لاواشي لانمام يبعدني عــنك
بس النجف يهواي ياخذني منك


تيزاب أحط بالعين واعميها بجـــفاك
خافن تصد للغير أوتنسى المضى أوياك


الدهر بس وياي راكب إحصانــــه
ويكًًــلي وين إتروح جدامـك آنـه



بالـك تمر بالدار عنها إشمر إبعيـد
دار العزيز هواي نوح وبجي إتريـد



عمداً أمر بالدار والنـوح أزيــــده
وأسمع صداهـا إيكًـول راح التريـده



عمداً أمر بالدار وأشبع مغمــه
وابجي بجي المفطوم ومفارك أمه



الدنيه للتهواه ترقص امفرعــه
والماتريده بنوح لو خلص دمعه


متعجب بدنياك جرحتك مــره
منخل اقليبي صار بيه العمه يقره


أرد أسـأل العشاك ليش آنه مشتــاك
نايم إبحضن إهـواي واشكي من الفراك


ميت والمعزيــات موش أمهـاته
مايبجـَن إعله المات يبجـن شماته


ميت والمعزيات يبجن عيـــــاره
ويرمـن على التابوت كَطف الجكًاره


ميت والمعزيات مابيهن أمــــه
وحده التشـتم بيه وحـده التـغمه


همــك .. وهم الناس .. وهم هم الأيـام

وفوكــاها هم العين ماتقبل إتنـــــام



همك وهم الناس وهم الله فــــــوكـه
صاحت عليــه الناس جن عندي بوكــه



متعجـب المهمــوم يشرب جكــاره
كًًلبي بكثر ما نــوح تجويـني ناره



همــك .. وهم الناس وهم هم الهموم

لو وحده منهن بيــك ماتكًًدر إتكـوم



طقني أو طحت للقاع قلت اكتفى البين
طقاني مره النور أوخر ضوى العـين

الرد
كل دقش أعلى الراس بسش يدنياي
مطقوقه باليافوخ ماشوفن احــداي


اصغير وخاف إعليك من شـــدة الاه
اشنون احمل أنا افراق واصبر بلا اياه

الرد
اصغير وخاف اعليك من حضن امك
ابقلبي وقول ابعيد جاوين اضمــك


تاري البنات اشكال مثل الجفافـي
وحده التضل للغير أواحده التوافي


أشرب واريـد أنساك واسكر واذكـرك
مو بالعظم ويطيــب بالكًلب كســرك



كل مرض لامابيك ياخويا محسود
اوحق اليحسدك داخ بعيونك السود


منك سمعت الاه كثرت جراحـي
وشبيدي خويا اعليك قصوا جناحي


وين الكفن ينباع يالشايل الخـــــام
عدله أرد أطمها الروح من ظيم الأيـام



لم جرحك أو للبيت قوم امشي ويـاي
وامشي ابدلال أرجوك لاتشمت اعداي


كَـالولي ولفـك راح كَلتلهم أبعد
كَـالو صعد للغيـم كَلتلهم أصعد


من كثر حر الضلع أحترقن هدومي
وتسعين ناقة وجمل ماشالن همومي


شحجي شقول للناس من همي شحجي
مليان بالحسرات بس احجي ابجــي


اجلد ابممشاي ناحل ترانــــي
خوفي من الشمات مو من زماني


أتجدب علي واتقول , اسمع كلامك
وانا ابطيب القلب امشي ابمرامــك


عفيه كَلب مَيليــن من يسمـع إبجـاي
لو من صخر هم جـان لان وغده مـاي


شامت وقف بالباب حاير شقـــله
حيل ابجي عالمكسور أو دمعي هله

الرد
حيل ابجي عالمكسور حيل ارفس القاع
اولا تنكسر جدام شماتك ابســــاع


شلونـك.. شلون الدار .. وشلون الأحباب
أذكر جرح بجلاك خبــرني ما طــاب



مر والمراره البيك محد حواهـــا
أو روحي اشتهت ملقاك عفيه اشقواها

الرد
روحي اشتهت ملقاك رغم المراره
أو بجفوفك الدلال شيطفي نــاره


متعني للعبـاس أشكي الهظايـــم

الواشي قبلي بيـوم بالحظره نايـم



متعني للعباس أبجي إبحظرتـه
والينكسـر بهواه شنهو جبرتـه



قلنا دلال إيجوز وتحمليـــــنا
أو ماندري بيه مغرور يلعب علينا

الرد
ألعب عليك إشلون وانت أعز مني
أو صدقني مو مغرور يالتتهمـني


بطلت ممشى الحيل قمت أمشي تاته
أومثل اليقودن بيه أمه أو خـواتـه


لو ممشى عشر اسنين أمشيها واكثر
ماأتعب وما جوز من حب الأسمـر


حسبالي خوش وليد وسلمتك الروح
طلعت عقرب تلدغني وتريد اتروح


منقول
لاتنسوني بردودكم
تحياتي الكم
سهر :31: عيني


عدل سابقا من قبل سهر عيني في الأحد أكتوبر 05, 2008 5:49 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
مدير شبكه ألفنأن تأمرحسني
مدير شبكه ألفنأن تأمرحسني


عدد الرسائل : 902
العمر : 28
Location : عأزف على أوتأر ألغربه
تاريخ التسجيل : 16/08/2008

مُساهمةموضوع: رد: دارمياااااااات اكثر من 100 دارمي رهيييييبة ادخل وشوف   الأربعاء أكتوبر 01, 2008 12:21 pm

:6: :6: :6: Embarassed Embarassed Embarassed Embarassed
يثلموووووووووو ثنو هاي اتهبل الكلمات هههههههههههههههه عاشت ايدج منوره المنتدى وربي
تحياتي الج
وتقابلي مروري البسيط

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tamer-hosny.ahlamontada.net
شاعر الليل وعازف الكيتار
مشرف المنتديات الادبيه
مشرف المنتديات الادبيه


عدد الرسائل : 382
العمر : 26
تاريخ التسجيل : 18/09/2008

مُساهمةموضوع: رد: دارمياااااااات اكثر من 100 دارمي رهيييييبة ادخل وشوف   الخميس أكتوبر 02, 2008 10:21 pm

سهر عيني اني زعلان عليج ليش مكتبتي منقول
اذا هسه واحد فات للمنتدى وشاف الدارميات راح يكول
هاي مالتي شنو راح تكوليله بوقتهه
ارجو كتابه اسم الشاعر او منقووول اذا متعرفين اسمه
تحياتي الج يا سهر عيني

ولا تزعلين ترة هذا حق عيوني انتي

تقبلي مروري البسيط
وشكرا على اختيارك للموضوع الروعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سهر عيني
نائبه مدير الشبكه
نائبه مدير الشبكه


عدد الرسائل : 389
العمر : 24
تاريخ التسجيل : 20/08/2008

مُساهمةموضوع: رد: دارمياااااااات اكثر من 100 دارمي رهيييييبة ادخل وشوف   الأحد أكتوبر 05, 2008 5:51 am

يلا يابة لاتزعل كتبتلك منقول :23:

اشكركم على مروركم
تحياتي الكم
سهر عيني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر الليل وعازف الكيتار
مشرف المنتديات الادبيه
مشرف المنتديات الادبيه


عدد الرسائل : 382
العمر : 26
تاريخ التسجيل : 18/09/2008

مُساهمةموضوع: رد: دارمياااااااات اكثر من 100 دارمي رهيييييبة ادخل وشوف   الأحد أكتوبر 05, 2008 6:14 pm

والله روعه انتي تسلمين

ترة اني علمودج اني شعليه بالشعر

والله ورده انتي واني اسف اذا ازعجتج

تقبلي مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دارمياااااااات اكثر من 100 دارمي رهيييييبة ادخل وشوف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تُِِّْآمًـِِّـِِّرٌٍ حٍّسٌِِّـِِّـِِّنْيَ :: المنتديات الادبية :: منتدى القصص والروايات :: منتدى الشعر الشعبي-
انتقل الى: