تبجي بغزاره.. نكول هنيال العيون ***
وشلت دمع العين وصبحت مجنون
موحش يبعد الروح گلبي التركته
والدم صفه الونات والحسره دكته
كلبي اشتكالك ليش ترفض شكيته ***
مو اني الحبيتك..حبي شبسرعه نسيته
من عمت عينه الكال بفراكك ارتاح ***
ابجي ابسواد الليل حتى الرمش طاح
ترجف عليك اعضاي كل ساعه وتلوج ***
ودموعي عالخدين روج بأثر روج
ريت الالم مو بيك ياريته بيه ***
دونك لجر الموت بثنين اديه.
شوف شكثر مكروه التجفي دنياهه ***
حته الصديق يكول عيب امشي وياهه.
اجمل صباح اليوم وبعمري بس هاي ***
شلت الغطه وفزيت لن عيني بهواي