غرور شاعر مغترب مشرف عام
عدد الرسائل : 1204 العمر : 42 تاريخ التسجيل : 05/10/2008
| موضوع: قصيدة للشاعر عادل محسن علة الوطن الخميس نوفمبر 20, 2008 10:43 pm | |
| خجل حتى الوطن من شافنه ابها لحال ... مثل والد عليل اتعاركو ولده ياجار اليحشمه اويدري بالجيران ... متحزمه عليه اوتشتغل ضده اذا مايهده تهده اوتفرح اوترتاح ... اوماتهده دقيقه من تلوضع يهده باوع علدول والناس وصلت وين ... وحنه ابهلخلاف انجيبه ونرده مسرحنه انعرف وشتهروا الابطال ... مخطوف اوشهيد اولازمه العده اومجهول الهويه اوجسد مابيه راس ... اومفجوعه ابولدهه اوتصرخ ابسده مسكين اليتيم ايمر عليه العيد ... ودموعه فواتح ناصبه ابخده گلي ابيا ذنب كتلو ابوه اوليش ... كوم اعيال عده اوكلشي ماعده اوگلي ابيا بخت جابوه ابغير ازنود ... للجابت عمرهه امچلبه ابزنده جرحك مثل جرحي اوبلوتك بلواي ... وصوابك اصوابي اشلون ماشده ناوشني المحبه اوبوسة التجبير ... خل نگطع نزيفه ابلسم الوحده اشگد مشتاگ امر للاعظميه اليوم ... والنعمان ازوره اويمك اتغده اونعبر عالجسر نتمشه ايد ابأيد ... يم باب الحوائج غيضنه انهده لاخير ابوطن ماتغفه عينك بيه ... و لاخير ابشعب مايعبر الشده
انتظر ردودكم الحلوة | |
|
ضوء القمر نجم النجوم
عدد الرسائل : 419 العمر : 41 تاريخ التسجيل : 02/11/2008
| موضوع: رد: قصيدة للشاعر عادل محسن علة الوطن السبت نوفمبر 22, 2008 4:27 pm | |
|
شكرا اخوية الغالي والرائع دائما قصيدة جميلة وحزينة ارجو ان تقبل مروري المتواضع
تـﮔلّي اكتب غزل والدنيـه تلهب نار وشوارع وطنّـه امشجّـره ابقتله ! وشيفيد الغـزل للوالــد المفجوع وشيسوّي الغــزل للـوالده الثكله اوّين الـﮔـه العبير بخنـﮔـة الدخّان وراويني الجمـال بجثّــه مشتعله شلون اكتب غزل والجار يكتل جار وتراب الأقدســه اجنـاب تحتلّـه وذبحي الصار أسهل من ذبح عصفور واوغـاد الزمـان بذبحـي محتفله حل عنّي وتكتّـر رحمه للعبّـاس مدمـن عـالحزن والحاله مو سهله اليـوم اكسـر قلـم مـاينتبه للناس ويشـوف الخلل ويشخـص العلّـه واشطب كل شعر مابي صليل سيوف ومن بحـر الدمه الموضوع يستلّـه واكفـر بالقوافـي المـا تفك العين واتصحّي الضميـر وترفض الذلّـه
اخوك ضوء القمر
| |
|
الحلوة مديره عامه
عدد الرسائل : 1285 العمر : 40 تاريخ التسجيل : 01/09/2008
| موضوع: رد: قصيدة للشاعر عادل محسن علة الوطن السبت نوفمبر 22, 2008 8:58 pm | |
| جاهل شفته يبجي اكبال الامريكان تصورته زغير وتاه عن بيته كتله شبيك شسمك ليش اجيت هنا كال اسمي وطن مبيوكه جنسيته المهم كتله حبيبي شبيك وشبجاك وسألت امريكي كتله شبيك بجيته باوعلي الامريكي بنظره استغراب وكال انه اعتذر بس كلمه حاجيته شفت بيده علم كتله عراقك راح خذت منه العلم وانطيته جكليته مشكور يا روعة المنتدى على هذه القصيدة تحياتي الك | |
|
غرور شاعر مغترب مشرف عام
عدد الرسائل : 1204 العمر : 42 تاريخ التسجيل : 05/10/2008
| موضوع: رد: قصيدة للشاعر عادل محسن علة الوطن السبت نوفمبر 22, 2008 9:47 pm | |
| مشكوره يا غاليتي على المرور الجميل تحياتي الج وشكر على لااضافه الروعه يا روعه تحياتي لشخصك غرور شاعر مغترب | |
|
غرور شاعر مغترب مشرف عام
عدد الرسائل : 1204 العمر : 42 تاريخ التسجيل : 05/10/2008
| موضوع: رد: قصيدة للشاعر عادل محسن علة الوطن السبت نوفمبر 22, 2008 9:55 pm | |
| مشكور اخويه ضوء القمر على المرور الجميل وظافات الروعه تحياتي الك غرور شاعر مغترب | |
|