مجوعه من الزهيريات انشاء الله تعجبكم

اعيونك اسهام انبتن بگليبي ومخالف

وضليت اون بعبرتي حجاز ومخالف وشلون املك وهم اسمعت مي خالف

المجر ورجع بالعكس رد وصعد راسي

حبك جتلني وغرامك بالگلب راسي

وريدك بس لو متت توچب عند راسي وتگلي أحبك ولو بالچذب ميخالف

******

اگل لناس ما احبك وانا مجنون بعيونك

واداري النار البگلبي وتسعر من يذكرونك

حلو وبحبك انجنيت ولا مثل اليحبونك

ورهم روحي وانه ادري ابد ما ارهم بدونك

ولملم حالي تا اگلك احبك واني مجنونك

لكن من اصل يمك اگلك مرحبه اشلونك

******

اعيوني تبجي عليك يلبيهى مطبوع...ون الكلب مشتاك يلبين الضلوع..

.تتعنه للطيبات وانت من اهلهن وانت التداوي اجروح كلبي وتشلهن

غيره وكرم واخلاص كلهن صفاتك واتعب شوصف بيك يالطيبه ذاتك

تدري شوكت انساك وبقلبي تهون من تسمع اني هناك بالغربه مدفون

من المدرسه للبيت وانته على بالي وكل صفحه يلمحبوب وجهك يلالي

يهتز يريدايطيح كلبي على فركاك,,, لا يرضى جرح يطيب لا يرضى ينساك

كل ساعه اشوف هواي وتمنه شوفه دم هو بالشريان وشلون اعوفه

شكتب وشرد عليك وانته الكتابه...بعدك تظل الروح بس الكأبه

تحياتي الكم غرور شاعر مغترب

شكرا الك اخي العزيز على هذة الابيات الجميلة

غلاك بوسط الكلب من صباي يسره
وصرت انه بمحبتك چالنايم بيسره
يسرى بجمال‍چ هبلتي الصوبين يسره

عودي للمودين ال‍چ عودي
تانيتكم من زغر ليما نحل عودي
بس لوگالت علي الناس مجنون عادي
لاني بهواكم تيهت يمناي من يسره

تقبل مروري

ضوء القمر

******************

نارن بكلبي على فراك الولف شبت
ولمن وصلني الخبر شال المحب شبيت
ليله فرح ماشفت ياناس من شبيت
شادهني طول الترف والفكر بيه اندار
وخدوده يعالم شبه تفاح يومن دار
مدري شوصف الوجه من ذهب لو من در
منها زغيره كمر وشلون لو شبت

مشكور ياروعة المنتدى على هذه الزهيرات الحلوة
تحياتي الك ياعذب
:14:

عاشت ايدك على الكلام الجميل
تحياتي الك

مشكور ضوء على هل مرور اجميل تحياتي الك اخوك غرور شاعر مغترب

انت لطريقي چثت يالغالي سلملي
سلمتو گلبي وعذاب وخيم سلملي
ما دام انت يساهي العين سالملي
خلة تجرة علي للظيم گصابة
فدوة لشعرك عليه تلوگ گصابة
انت لعيونك شبيها السيف گصابة
والي بهواهن وگع ان طاب سلملي

مشكوره يا غاليتي على هل مرور الجميل تحياتي الج يا روعه غرور شاعر مغترب

حسنك چتني وصرت لفراشي ملازم
حيث الذي گابلك يلبس درع لازم
لازمني حبك يول لزمة خبل لازم
واني لا ينوصف حبي ولا عي بك
غالي تضل علي انت والاعيبك
انت يزين النبه تدري شنو عيبك ؟؟
مشكلتك انك حلو وزايد على اللازم
*.*.*.*.*.*.*.*.*.*.*.*.*.*.*.

مشكوره ريمي على مرورج تحياتي الج غرور شاعر مغترب