°... السلام عليكم ورحمة الله وبركاتــــه ...×?°
:: الفتيات المسترجلات (البويات) إلى أين؟؟ ::
اخواني واخواتي أعضاء المنتدى ...
كــــل المواضيع اللي انطرحت في هالمجلس الجميل مهمه وحساسه وتناقش قضايا متنوعه وتهم كل المجتمعات الخليجيه والعربيه ..
بس ياجماعه ..
في موضوع احنا غافلين عنه ..
وانا بصفتي وحده تغار على عرضها ودينها .. حبيت اطرح لكم موضوع تم مناقشة من قبل فتاه تصرخ للمناجاه .. والنقاش كما هو مذكور في الاسفل:
الموضوع يمس الجنس الناعم ... اللي ربنا كرمه بواجــــــد مزايا يتمناها الرجل ..
والصراحه الموضوع قاهرني مررره لأنه فيه إهانه عظيمه لنا يالبنات... وفيه قلة احترام لخلقة الله والفطرة الانسانية ..
ياجماعه ..
ظاهرة المسترجلات ... زادت بشكل رهـــــــــــــــــــــــــــــيب !!
وللأســـف الشديــــــــــــــد إنها صارت شي عاااااااادي ومحد قام يستنكر..
ولين اتسنكرنا.. قالوا: اشفيك؟؟؟ عادي !!!
انا طالبة جامعية... واشوف مناظر رهيبه ... اشوف عدد لانهائي من المسترجلات... واشوف ممارسات شاذه بشكل مرعب... البنات غصب يحولون اعمارهن الى اولاد!! أو ((رجـــال)) بالأصح ...
المتسرجله اتعد وجودها وسط البنات كأنه وجود رجـــل!! اتسلم مثل الشباب .. وتتكلم مثل الشباب ولبسها وحركاتها وتصرفاتها وصوتها...
رجــــــــــــــــل كامـــــــــل الرجوله!!!!
والأســــــــــوأ .. والأخطر ...!! : (( نظرتها للبنات مثل نظرة الرجل!!))
يعني ... اتخز ... واتسوي حركات رجاليه !! كأنها ريال يطالع البنت !!
والأعجب والأدهـــــــى والأمـــــرّ ... تجاوب وايـــد بنات معاهم !!!
وين ظاعت الأنوثــه؟؟
وين البنت إللي تبني بيت صالح في المجتمع ؟؟؟
وين أهلهم ؟؟؟
تدرون .. انا كل يوم اسمع قصه اعجب من الثانيه ...
أذكر لكم مثال ...
بنت كانت معاي في اعدادي . كان شعرها لين ركبتها .. ويازينه زيناااه ايجنن ..
دخلت الجامعه .. اشوفها .. والله العظيم مااعرفها !!!
شعرها امحلّق عالواحــــد!!! طوله يمكن سانتي متر واحد ..!!
والصوت ... رجولي 100% .. والويه لاعبه فيه بالموس لين طلع لها شعر كأنه لحية رجال بالضبط ..!!
مشيتها ... رجاااااال ... نظارتها الشمسيه رجاليه .. عطرها رجالي .. ملابسها رجاليه ...
المصيبه .. انها ماتفصخ طرحتها قدام ابوها واخوانها .. بس امها وخواتها يدرون عنها وساكتين ...
والمصيبه الثانيه .. انه ولد عمها خطبها ... وهي ردته.. لأنها تبي تتزوج (( حبيبتها )) وماتقدر على فراقها!!!
والله ياجماعه .. هالقصه حقيقه مو خيال ... وغيرها عشرات القصص اللي كل يوم نسمعها فالجامعه ..
ممكن أعرف رايكم في هالموضوع ؟؟
ممكن أحد يعطيني تبرير مقنع لهالمشكله ؟؟؟
ممكن حد يفهمني شو موقف الأهل؟؟ ووينهم من هذا كله؟؟
وانتوا يا شباب؟؟؟ اتعجب لما اسمع عن وحده مسترجله تزوجت...!! انتو شو رايكم ؟؟؟ وشو رايكم بالرجال اللي يتزوج مسترجله وهو يدري عنها؟؟
ومتى بنتخلص من هالمشكله؟؟؟
منقوول