هي : بس مر بية باجر فرح الروح ونشف دمع العين من تجيني
تعبني الصبر والصبر جم دوب اطش عيوني الك لو تعتنيني
امس غمضت عيني وشفتك بطيف بقيت مغمضة ما فتحت عيني
علمني نسيانك بلكي ارتاح ولو مو هين البينك وبيني
هو : لو بية اني اعلمج .. علمت روحي ولو عندي دوة جا طابن جروحي
انه الليل كلة اتكالب وية الروح واخلصهة بونيني ودمعتي ونوحي
يا اجمل حبيبة اتسهر عيوني ويا اجمل حلم ومرافك ظنوني
اشكد حاولوا ناس ورادوا انساج ومن كد ما احبج تالي عافوني
هي : وانه شكد احبك اكثر من الروح وشلي بدنياي غيرك يا بعد روحي
حبيبي انت واحبك واصبر اعلة النار ومرخوص الك وحدك تلجم جروحي
احبك ......
هو : وانه احبج يا اعز الناس يا سلوة الروح البيهة اتسلة
اصبرلج صبر حد ما احس وفيت واعوضج خير عن ذاك التعب كلة ...
شكرا للكلمات الراقية
واسفة اذا طولت بردي عليك
اتمنى ان تعجبك
تحياتي